Інстытут Вялікага Княства Літоўскага

Kанферэнцыi

Дзявяты Міжнародны Кангрэс даследчыкаў Беларусі

By

Традыцыйны штогадовы Кангрэс пройдзе 1-3 кастрычніка 2021 г. у Коўне (Літва). Мы чакаем каля 500-700 удзельнікаў з Беларусі, Літвы, Польшчы і іншых краін Еўропы і Паўночнай Амерыкі.

План падрыхтоўкі да Кангрэса:
-прапановы секцый Кангрэса чакаем да 1 красавіка;
-індывідуальныя заяўкі чакаем да 17 мая;
-намінацыі на прэміі Кангрэса чакаем да 11 красавіка;
-папярэдняя праграма дзявятага Кангрэса будзе падрыхтавана ў летку.

Дадатковая інфармацыя: www.icbs.lt або www.icbs.by .
Кантактны адрас: [email protected] .

Навуковая канферэнцыя “Пачаткі саветалогіі: Навукова-даследчы інстытут Усходняй Еўропы ў Вільні (1930-1939), ідэі – людзі – спадчына З нагоды 90-годдзя заснавання” Вільня, 26-27 лютага 2020 года

By

Факультэт палітычных навук і дыпламатыі Універсітэта Вітаўта Вялікага, Цэнтр Усходняй Еўропы Варшаўскага Універсітэта, Інстытут Вялікага Княства Літоўскага, Бібліятэка Літоўскай акадэміі навук імя Урублеўскіх, Амбасада Польскай Рэспублікі і Польскі Інстытут у Вільні запрашаюць на міжнародную навуковую канферэнцыю “Пачаткі саветалогіі: Навукова-даследчы інстытут Усходняй Еўропы ў Вільні (1930-1939), ідэі – людзі – спадчына (з нагоды 90-годдзя заснавання)”, якая адбудзецца 26-27 лютага 2020 года. Удзел у канферэнцыі прымуць выбітныя навукоўцы з Польшчы і Літвы: Тадэвуш Буйніцкі, Адам Эберхарт, Марэк Корнат, Шарунас Лекіс, Данута Маліцка, Рымантас Мікніс, Томас Венцлава і Лешэк Заштаўт.

Канферэнцыя адбудзецца на двух пляцоўках. Пасяджэнне пачнецца 26 лютага ў 13.00, у Амбасадзе Польскай Рэспублікі (вул. Švento Jono 3). Пленарны даклад “Польшча і Саветы ў 1918-1939 гадах” прачытае выбітны польскі гісторык і палітолаг прафесар Войцех Матэрскі (Інстытут палітычных даследаванняў Польскай акадэміі навук). Затым адбудзецца дыскусія “Пачаткі саветалогіі, яе развіццё, сучасны стан і перспектывы” на польскай і літоўскай мове з сінхронным перакладам. Уваход вольны пры ўмове папярэдняй рэгістрацыі. Рэгістрацыя адкрытая да 20 лютага. На электронны адрас [email protected] належыць даслаць імя, прозвішча і назву арганізацыі, што прадстаўляеце. Для ўваходу ў амбасаду просьба прадставіць дакумент, што пацвярджае асобу. Праход да месца канферэнцыі без належнага дакументу не магчымы. Увага: колькасць месцаў абмежаваная.

На наступны дзень, 27 лютага, пасяджэнне канферэнцыі пераносіцца ў сімвалічнае месца – Бібліятэка Літоўскай акадэміі навук імя Урублеўскіх (вул. Žygimantų 1), дзе ў міжваенны перыяд знаходзіўся Навукова-даследчы інстытут Усходняй Еўропы і Школа палітычных навук. Пачатак пасяджэння ў 9.00, уваход вольны. Выступы запланаваны на полькай і літоўскай мове без вуснага перакладу. Удзельнікам канферэнцыі будуць даступныя друкаваныя пераклады матэрыялаў канферэнцыі.

Праграма

VIII Міжнародны Кангрэс даследчыкаў Беларусі адбудзецца ў Вільні 27-29 верасня 2019 года

By

Інстытут палітычных даследаванняў «Палітычная сфера» абвяшчае даты і месца правядзення VIII  Міжнароднага Кангрэса даследчыкаў Беларусі. Галоўная беларуская акадэмічная падзея адбудзецца 27-29 верасня 2019 года ў Вільні. Асноўным акадэмічным партнёрам Кангрэса выступіць Еўрапейскі гуманітарны ўніверсітэт (ЕГУ).

 Традыцыйна на Кангрэс збяруцца звыш 500 навукоўцаў і экспертаў з Беларусі і замежжа, чакаюцца дыскусіі і прэзентацыі, а таксама наданне Прэміі за найлепшыя навуковыя публікацыі і студэнцкія працы па вынікам 2018 года.

Дырэктар Інстытута «Палітычная сфера» д–р Андрэй Казакевіч адзначае: «Рады запрасіць даследчыкаў, партнёраў і гасцей з усяго свету на 8-мы Міжнародны кангрэс даследчыкаў Беларусі ў Вільню. Гэта ўнікальная магчымасць далучыцца да самай вялікай навуковай і экспертнай падзеі, прысвечанай Беларусі, і прадставіць вынікі сваёй працы сотням беларускіх і замежных удзельнкаў. Дзякуючы партнёрству з нацыянальнымі, рэгіянальнымі і глабальнымі асяродкамі, Кангрэс прадстаўляе выдатную магчымасць для ўсталявання новых прафесійных сувязяў, абмеркавання праектаў, абмену ідэямі і досведам».

Па словах Рэктара ЕГУ праф. Сяргея Ігнатава: «Супольнасць ЕГУ усцешана тым, што наш універсітэт выступіць асноўным акадэмічным партнёрам VIII Кангрэса даследчыкаў Беларусі. Новы корпус ЕГУ, які месціцца ў будынку былога Аўгустынскага кляштара ў Вільні, будзе рады прыняць навукоўцаў, якія займаюцца даследаваннямі Беларусі і ўсяго рэгіёна. Мы ўпэўненыя, што дзякуючы незалежным даследаванням ў сацыяльных і гуманітарных навуках ды мастацтвах адбываецца інтэграцыя Беларусі ў еўрапейскую інтэлектуальную прастору».

Акадэмічнымі партнёрамі таксама выступяць Універсітэт Вітаўта Вялікага, Інстытут Вялікага Княства Літоўскага і шэраг іншых акадэмічных устаноў. Плануецца, што частка імпрэз Кангрэса адбудуцца ў Ратушы і іншых месцах Старога горада Вільні. Партнёрам Кангрэса з’яўляецца Міністэрства замежных спраў Літоўскай Рэспублікі.

Першы Міжнародны кангрэс даследчыкаў Беларусі адбыўся ў 2011 годзе. З 2011 па 2016 гады Кангрэс праходзіў у Коўне, у 2017 годзе — у Варшаве. У 2018 па тэхнічных прычынах Кангрэс не змог адбыцца ў Мінску, і было прынята рашэнне пра перанос 8-ага Кангрэса на 2019 год.

Папярэдні план падрыхтоўкі Кангрэса

1.     Збор заявак на стварэнне секцый і панэляў – да 5 сакавіка 2019 года. Збор заявак адкрываецца 10 студзеня.

2.     Збор намінацый на прэмію кангрэса – да 10 красавіка 2019 года. Збор заявак адкрываецца 10 лютага.

3.     Дэдлайн для збора індывідуальных заявак – да 20 траўня 2019 года. Збор заявак адкрываецца 20 сакавіка.

4.     Размеркаванне субсідый на пражыванне і транспарт – да 5 чэрвеня 2019 года.

5.     Вызначэнне фінальнага спісу секцый на падставе збору індывідуальных заявак – 10 чэрвеня 2019 года.

6.     Рассылка індывідуальных запрашэнняў – да 25 чэрвеня 2019 года. Да 10 ліпеня ўдзельнікі мусяць пацвердзіць свой удзел.

7.     Папярэдняя праграма кангрэса — 5 жніўня 2019 года.

 Сайт: http://icbs.palityka.org

Пошта: icbs@palityka.org

 Кантактныя асобы для медыя:

д-р Андрэй Казакевіч, інстытут «Палітычная сфера», kazakevich@palityka.org

Максімас Мілта, Еўрапейскі гуманітарны ўніверсітэт, [email protected]

Першы Грамадскі форум Літвы і Беларусі «Што нас аб’ядноўвае?» (26–27 кастрычніка 2018 года, Клайпеда)

By

Літва і Беларусь – гэта не толькі краіны-суседзі. Народы гэтых дзяржаў, акрамя гісторыі, якая сягае сваімі каранямі ў старажытныя часы, аб’ядноўваюць шырокамаштабныя эканамічныя і культурныя сувязі. Літоўцы жывуць у Беларусі, і беларусы пражываюць у Літве. Асаблівую сувязь паміж краінамі пацвярджаюць супольныя народныя сімвалы, такія як гістарычная сталіца Вялікага Княства Літоўскага – Вільня. Жыхарам гэтых краін дарагія агульныя гістарычныя асобы: вялікі князь Вітаўт (Вітаўтас), князі Радзівілы, Касцюшка, Каліноўскі і многія іншыя. Многае паказвае, што грамадскія і міждзяржаўныя адносіны мусяць быць выдатнымі, але гэта не так.

Існуюць рознагалоссі з нагоды будаўніцтва беларускай АЭС у Астраўцы. Шмат хто ў Літве занепакоеныя пытаннем: ці ўдасца Беларусі захаваць сваю дзяржаву? Большасць літоўцаў крытычна ставяцца да палітычнага ладу Беларусі. У Беларусі, у сваю чаргу, многія насцярожана ўспрымаюць еўраатлантычную інтэграцыю Літвы, яе актыўную знешнепалітычную пазіцыю ў рэгіёне. Гэтыя вельмі складаныя пытанні ўплываюць на адносіны паміж краінамі, і наўрад ці палітыкам з абодвух бакоў удасца канчаткова дамовіцца.

На жаль, існуючыя праблемы сталі дамінаваць у двухбаковых стасунках. Акрамя іншага, шмат недамоўленасцяў узнікае па гістарычных тэмах, якія, на першы погляд, павінны аб’ядноўваць нацыі. Усё гэта не толькі ўскладняе палітычныя адносіны, але і перашкаджае развіццю сувязяў паміж інтэлектуаламі, дзеячамі культуры, бізнэсу і навукі.

Так не павінна быць. Не забываючы існуючых праблем, мы павінны імкнуцца шукаць пункты судакранання па агульных для нас пытаннях і праблемах. Пачатак дыялогу і наладжванне супрацоўніцтва на будучыню з’яўляецца галоўнай мэтай першага Грамадскага літоўска-беларускага форуму.

Місія форуму – пашырэнне нефармальнага, грамадзянскага дыялогу паміж Беларуссю і Літвой з мэтай абмеркавання перспектыў і праблем міждзяржаўнага супрацоўніцтва, паглыбленне ўзаемаразумення і павагі паміж краінамі ды народамі Літвы і Беларусі.

Арганізатарамі форуму выступаюць муніцыпалітэт горада Клайпеда, Клайпедскі ўніверсітэт, а таксама шэраг грамадскіх арганізацый і ініцыятыў: Форум дыялогу і супрацоўніцтва імя Ежы Гедройца, Інстытут Вялікага Княства Літоўскага, Інстытут “Палітычная сфера“.

Сайт форума

Праграма

Міжнародная навуковая канферэнцыя прысвечаная падзеям 1918 года ў Цэнтральна-Усходняй Еўропе.

By

20-21 чэрвеня 2018 года ў Літоўскай нацыянальнай бібліятэцы імя Мажвідаса (Вільня, пр. Гедыміна 51) адбылася міжнародная канферэнцыя “1918 год ў Літве і Польшчы з перспектывы сучаснай Цэнтральна-Усходняй Еўропы: гісторыя, палітыка і культура”, прысвечаная стагоддзю адраджэння дзяржаўнасці Літвы і Польшчы.

Канферэнцыя ставіла задачу абмеркаванне шляхоў атрымання незалежнасці Літвой і Польшчай, а таксама іншымі краінамі Цэнтральна-Усходняй Еўропы, прэзентацыю найшоўшых даследаванняў развіцця польскага і літоўскага нацыянальнага адраджэння пачатку ХХ стагоддзя і поглядаў на палітычную традыцыю Літвы і Польшчы. Акрамя гістарычных тэм, выступоўцы таксама прынялі ўдзел у абмеркаванні праблем сучаснага свету: парадыгмы актуальнай знешняй палітыкі Літвы і Польшчы, месца гэтых краін у Еўропе і свеце.

Удзел у канферэнцыі прынялі гісторыкі, палітолагі, сацыёлагі, культуролагі, філолагі і прадстаўнікі іншых дысцыплін, якія падзяліліся вынікамі сваіх даследаванняў па гісторыі, палітыкі ды культуры Літвы, Польшчы і іншых краін у кантэксце стагоддзя дзяржаўнасці. З дакладамі выступілі навукоўцы з Польшчы, Літвы, Украіны, Чэхіі, ЗША і іншых краін.

Канферэнцыю арганізаваў Варшаўскі універсітэт у супрацоўніцтве з Універсітэтам Вітаўта Вялікага, Універсітэтам Міхала Ромера, амбасадай Польшчы ў Вільне, Інстытутам Вялікага Княства Літоўскага, а таксама Літоўскай нацыянальнай бібліятэкай імя Марціна Мажвідаса.

Program.

Sections.