Інстытут Вялікага Княства Літоўскага

Інстытут Вялікага Княства Літоўскага абвяшчае сëмы конкурс на наданне Узнагароды імя Юліуша Бардаха

By

Узнагарода надаецца за найлепшыя доктарскія (кандыдацкія) працы, напісаныя па праблемам дзяржаўнай, прававой і культурнай спадчыны Вялікага Княства Літоўскага ў XIX-XX стагоддзі, а таксама па аналагічным праблемам звязаным з гісторыяй прынамсі двух краін зямель былога Вялікага Княства Літоўскага – Беларусь, Літва, Польшча і Украіна.

На конкурс могуць быць прадстаўлены доктарскія (кандыдацкія) дысертацыі, абароненыя ў 2024-2025 гадах.

Тэрмін прадстаўлення прац – 1 студзеня 2026 года. Просім дасылаць працы на адрас: [email protected]

Да 1 сакавіка 2026 года камісія, прызначаная Інстытутам ВКЛ, абвесціць спіс прац, намінаваных на прэмію.

Кандыдаты на ўзнагароду будуць запрошаны на ўрачыстую цырымонію ўзнагароджання, якая пройдзе ў Вільне, 19-ага чэрвеня 2026 года.

Чытаць далей.

Дванаццаты Кангрэс даследчыкаў Беларусі, Берлін, 25-27 верасня 2025

By

Інстытут ВКЛ сумесна з партнёрамі ў Літве, Германіі і Польшчы арганізаваў дванаццаты Кангрэс даследчыкаў Беларусі, які адбыўся ў Берліне 25–27 верасня 2025 года. Галоўным партнёрам выступіў Гумбальцкі ўніверсітэт (Humboldt-Universität zu Berlin). У мерапрыемстве прынялі ўдзел каля 500 удзельнікаў з усяго свету. Было праведзена некалькі дзясяткаў секцый, на якіх абмяркоўваліся тэмы з гуманітарных і сацыяльных навук. Традыцыйна былі ўручаны ўзнагароды Кангрэса за навуковыя публікацыі па тэме Беларусі.

Кангрэс – адзінае месца ў свеце, дзе з 2011 года найбольш прадстаўнічая частка беларускіх акадэмічных і грамадскіх элітаў можа свабодна і незалежна ад уплыву беларускай і іншых дзяржаў абмяркоўваць гісторыю, палітыку, грамадства і культуру Беларусі.

Больш пра Кангрэс у Берліне.

Мерапрыемствы Інстытута Вялікага Княства Літоўскага ў Варшаве

By

19 чэрвеня 2024 г. у Амбасадзе Літоўскай Рэспублікі ў Варшаве адбудзецца навуковая сустрэча «Старажытная прававая культура Літвы і праблемы ідэнтычнасці», прысвечаная першаму выданню Трэцяга Літоўскага Статута ў перакладзе на літоўскую мову (падрабязней: www.3statutas.lt).

Праграма:

14.00–14.30 Анджэй Закшэўскі (Варшаўскі ўніверсітэт), Статуты Вялікага Княства Літоўскага. Факты – міфы – сумненні.

14.30-15.00 Андрэй Радаман (Універсітэт у Беластоку), Дыскусіі аб папраўках да Статута на сойміках Навагрудскага ваяводства і ўдзел палітычнай эліты Навагрудчыны ў кадыфікацыі права ВКЛ у 1569-1632 гг.

15.00–15.30 Перапынак на каву

15.30–16.00 Рычардас Ярамічус (Універсітэт Вітаўта Вялікага), Першы пераклад Трэцяга Літоўскага Статута на літоўскую мову: праблемы і выклікі.

16.00–17.00 Дыскусія

17.00–18.00 Цырымонія ўзнагароджання імя Юліюша Бардаха. Прэмія прысуджаецца за лепшыя доктарскія дысертацыі, прысвечаныя пытанням культуры, палітыкі і права зямель былога Вялікага Княства Літоўскага.

18.00 Келіх віна

Сустрэча адбудзецца ў дыпламатычным прадстаўніцтве, таму для рэгістрацыі ўдзелу просім дасылаць лісты на адрас дырэктара IWXL Русціса Камунтавічуса: [email protected]. Заяўкі прымаюцца да 9 чэрвеня.

Інстытут Вялікага Княства Літоўскага абвяшчае шосты конкурс на наданне Узнагароды імя Юліуша Бардаха

By

Узнагарода надаецца за найлепшыя доктарскія (кандыдацкія) працы, напісаныя па праблемам дзяржаўнай, прававой і культурнай спадчыны Вялікага Княства Літоўскага ў XIX-XX стагоддзі, а таксама па аналагічным праблемам звязаным з гісторыяй прынамсі двух краін зямель былога Вялікага Княства Літоўскага – Беларусь, Літва, Польшча і Украіна.

На конкурс могуць быць прадстаўлены доктарскія (кандыдацкія) дысертацыі, абароненыя ў 2022-2023 гадах.

Тэрмін прадстаўлення прац – 1 сакавіка 2024 года. Просім дасылаць працы на адрас: [email protected]

Да 1 мая 2024 года камісія, прызначаная Інстытутам ВКЛ, абвесціць спіс прац, намінаваных на прэмію.

Кандыдаты на ўзнагароду будуць запрошаны на ўрачыстую цырымонію ўзнагароджання, якая пройдзе ў адным з гарадоў рэгіёна Цэнтральна-Усходняй Еўропы.

Чытаць далей.

Навуковая канферэнцыя „Шляхі да аганізму“

By

„Шляхі да аганізму: тэарэтычныя і практычныя погляды на спадчыну спрэчных зямель”

Міжнародная навуковая канферэнцыя ў гібрыдным фармаце

28-30 верасня 2023 года

Інстытут ВКЛ, Коўна (Літва)

Фундацыя “Памежжа”, Сейны (Польшча)

Дадатковая інфармацыя

 

Даследчыкі ВКЛ у Беларусі

By

Сяргей Марозаў, Сучасныя беларускія даследчыкі гісторыі Вялікага Княства Літоўскага: біябібліяграфічны даведнік, Гродна–Каўнас, 2022.

Даведнік сабраў пад адной вокладкай біяграфічную і бібліяграфічную інфармацыю пра тых прадстаўнікоў інтэлектуальнай працы Рэспублікі Беларусь, хто ў перыяд 1991–2022 г. сказаў сваё важкае слова ў вывучэнні і папулярызацыі гісторыі Вялікага Княства Літоўскага і гісторыі Беларусі той эпохі (сярэдзіна ХІІІ–XVIII ст.). Даведнік утрымлівае 172 артыкулы-персаналіі пра гісторыкаў, архівістаў, археолагаў, этнолагаў, культуролагаў, філолагаў, філосафаў, геральдыстаў, картографаў, краязнаўцаў, пісьменнікаў, журналістаў, стваральнікаў гістарычных сайтаў, для якіх праблематыка Вялікага Княства Літоўскага стала галоўным даследчым полем або важным напрамкам іх навуковай, літаратурнай, публіцыстычнай ці іншай дзейнасці.

Разлічана на навукоўцаў, аспірантаў, студэнтаў, творцаў са сферы літаратуры і мастацтва, супрацоўнікаў архіваў і музеяў, усіх, хто цікавіцца гісторыяй і спадчынай Вялікага Княства Літоўскага.