Інстытут Вялікага Княства Літоўскага

Uncategorized @by

Гістарычная палітыка Беларусі. Маніторынг.

By

Маніторынг рыхтуецца ў рамках сістэмнага даследавання гістарычнай палітыкі, якое ажыццяўляе Інстытут “Палітычная сфера“ і Інстытут Вялікага Княства Літоўскага. Асноўнымі крыніцамі для маніторынга выступаюць медыя-тэксты беларускіх дзяржаўных і недзяржаўных СМІ, якія звязваюць гістарычнае мінулае з актуальнай грамадска-палітычнай сітуацыяй і дзяржаўнай палітыкай. Гэтыя медыя-тэксты ўбудоўваюцца ў больш шырокі аналітычны кантэкст для разумення тэндэнцый гістарычнай палітыкі, магчымасцей і абмежаванняў палітыкі памяці ў Беларусі.

The project is financed by the funds of the Development Cooperation and Democracy Promotion Programme

Чэрвень – Кастрычнік, 2021

Лістапад 2021 – Студзень 2022

Люты – Красавік 2022

май – ліпень 2022

Жнівень – кастрычнік 2022

Падзеі Інстытута Вялікага Княства Літоўскага

By

У суботу, 18 чэрвеня 2022 г., а 15-й гадзіне ў Вялікай зале Універсітэта Вітаўта Вялікага (Коўна, Gimnazijos g. 7) прафесар Дарыюш Шпопер прачытае лекцыю аб агульным мінулым Беларусі, Літвы і Польшчы. Вялікае Княства Літоўскае “Ідэйнае і практычнае вымярэнне краёвай канцэпцыі ў палітычнай думцы земляў былога Вялікага Княства Літоўскага”.

Пасля лекцыі прафесара Шпопера адбудзецца цырымонія ўзнагароджання прэміі імя Ю. Бардаха за даследаванні, прысвечаныя гісторыі, культуры і палітыцы земляў былога Вялікага Княства Літоўскага. Узнагароды ўручаюцца раз у два гады, сёлета лаўрэаты паходзяць з Беларусі, Літвы і Польшчы.

У цырымоніі прымуць удзел прадстаўнікі навуковых колаў з краін рэгіёну. Вітаць удзельнікаў будуць Амбасадарка Польшчы ў Вільні, Амбасадар Літвы ў Варшаве, рэктар Універсітэта Вітаўта Вялікага і іншыя.

Цырымонія пройдзе на польскай і іншых мовах.

Пасля цырымоніі запрашаем вас на келіх віна!

Парламентарызм, канстытуцыяналізм, палітычная думка Рэчы Паспалітай перыяду Вялікага Сойму ў вачах Еўропы. Рэцэпцыя Канстытуцыі 3 мая ў свеце

By

Міжнародная інтэрдысцыплінарная навуковая канферэнцыя ў 230-я ўгодкі ўхвалення Канстытуцыі 3 мая.

Дата і месца: субота, 14 мая 2022 года, Каралеўскі Замак у Варшаве. Аднадзённая канферэнцыя.

Арганізатары:
Каралеўскі Замак у Варшаве
Інстытут Вялікага Княства Літоўскага
Таварыства нашчадкаў Вялікага Сойму

Праграма.

Конкурс даследчых грантаў

By

Універсітэт Вітаўта Вялікага, Інстытут “Палітычная сфера” і Інстытут Вялікага Княства Літоўскага аб’яўляюць конкурс грантаў для беларускіх даследчыкаў, аналітыкаў і экспертаў.

Пераможцы атрымаюць грант у памеры 2 тыс. еўра на правядзенне даследавання ў 2022 годзе. Па выніках даследавання мусіць быць падрыхтаваны адзін навуковы артыкул ці аналітычны матэрыял.

Навуковыя дысцыпліны: палітычныя навукі, сацыялогія і гісторыя.

Атрымальнікі гранту змогуць прыняць удзел у вочным даследчым семінары ў Літве, а таксама летняй школе ў Грузіі.

Патрабаванне для заяўнікаў:
– завершаная вышэйшая адукацыя (ступень бакалаўра ці спецыяліста);
– досвед працы ў сферы даследаванняў і аналітыкі не менш за адзін год (універсітэты, даследчыя цэнтры, thinks tanks, СМІ і г.д.);
– грамадзянства Рэспублікі Беларусь.

Прыярытэт будзе надавацца маладым даследчыкам, якія знаходзяцца на пачатковай стадыі кар’еры.

Тэматычныя прыярытэты: знешняя палітыка Беларусі, міждзяржаўнае супрацоўніцтва ва Усходняй Еўропе, палітыка памяці ў Беларусі, спадчына ВКЛ і савецкая спадчына ў сучасным беларускім грамадстве.

Для удзелу ў конкурсе неабходна даслаць на адрас [email protected] да 31 сакавіка наступныя дакументы:
– CV з фотаздымкам;
– Матывацыйны ліст, які тлумачыць інтарэс да праграмы і выбар тэмы даследавання (да 1 старонкі);
– Кароткае апісанне даследавання з пазначэннем: назвы даследавання, праблемы, прадмету, метадаў вырашэння даследчай праблемы, кароткага зместу і чаканых вынікаў даследавання.

Пра вынікі разгляду адборачная камісія паведаміць заяўнікам да 15 красавіка 2022 года.

Калі маеце пытанні, калі ласка, пішыце на [email protected].

Лагатып – сімвал літоўска-беларускага супрацоўніцтва

By

Лагатып сімвалізуе супрацоўніцтва абодвух народаў, якое доўжыцца больш за семсот гадоў – ад часоў Вялікага Княства Літоўскага да апошніх падзей, звязаных з беларускай рэвалюцыяй.

Самы галоўны сімвал, які злучае літоўцаў і беларусаў, — гэта Пагоня. На лагатыпе адлюстраваны злёгку стылізаваныя шчыты беларускіх і літоўскіх вершнікаў. Крыжы на шчытах — галоўная дэталь, якая надае кожнаму з іх нацыянальную адметнасць. На літоўскім гербе мы бачым падвойны Ягелонскі крыж, звязаны з дынастыяй Гедымінавічаў-Ягелонаў, якая кіравала Вялікім Княствам Літоўскім, а таксама звязаны з міжваеннай Літоўскай Рэспублікай. На беларускім шчыце – крыж св. Еўфрасінні Полацкай, які ўзнік у ХІІ ст. і сімвалізуе шматвяковую беларускую дзяржаўнасць.

Лагатып распрацаваў беларускі дызайнер Уладзімір Цэслер.

Лагатып можа свабодна выкарыстоўваць у Інтэрнэце і ў прэсе ўсім, хто вядзе дзейнасць, звязаную з літоўска-беларускім супрацоўніцтвам.

Спампаваць выяву: каляровая png, cdr; чорна-белая jpg, cdr.

The project is financed by the funds of the Development Cooperation and Democracy Promotion Programme