Cтипендыї i прэмii

3 мая 2014 года ў Сейнах адбылося ўручэнне Прэміі імя Юліуша
Бардаха. Галоўную ўзнагароду атрымаў Мікалай Таркоўскі з
Гданьска за працу “Віленская адвакатура ў 1918-1939 гг.” Другое
месца заняла праца Міколы Геныка “За нашу і вашу свабоду”:
польска-украінскае замірэнне ў перыяд біпалярнасці”. Трэцяе месца
здабыла Алена Падалінская з Мінску за працу “Рэцэпцыя
арыстацелізму ў філасофскай і грамадска-палітычнай думцы
Беларусі эпохі Адраджэння”. Ва ў урачыстасцях прыняла ўдзел
удава Юліуша Бардаха Ванда Бардах, консул Літвы ў Сейнах Віда
Багданавічынэ, заснавальнікі Інстытута Вялікага Княства Літоўскага
і сябры Навуковай Рады (Егідыюс Александравічус, Антанас
Кулакаўскас, Ян Маліцкі, Дарыуш Шпопер, Малгажата Чыжэўска,
Андрэй Казакевіч і інш.).

Адзін з заснавальнікаў Інстытуту Вялікага Княства Літоўскага, дырэктар
Інстытуту Усходняй Еўропы Варшаўскага Універсітэту Ян Маліцкі 3 снежня
2013 года стаў лаўрэатам прэстыжнай Узнагароды імя Ежы Гедройца. Гэтая
ганаровая ўзнагарода надаецца тыднёвікам “Рэч Паспалітая” за дасягненні
ў развіцці сяброўства, узаемнага разумення і супрацоўніцтва ў Цэнтральнай
і Усходняй Еўропе.

3 траўня 2013 года адзін з заснавальнікаў Інстытуту ВКЛ прафесар, доктар
габілітаваны Дарыюш Шпопэр быў узнагароджаны “Зоркай дыпламатыі
Літвы”. Гэта пачэсная ўзнагарода была нададзеная Міністэрствам замежных
спраў Літоўскай рэспублікі за ўнёсак ў навуковыя даследаванні супольнай
польска-літоўскай мінуўшчыны і памкненні да захавання гістарычнай
тоеснасці абодвух нацый.

3 мая 2014 г. у Сейнах Інстытут Вялікага Княства Літоўскага ўручыць
узнагароду імя Юліуша Бардаха. Узнагарода была заснаваная ў 2013 годзе і
надаецца аўтарам лепшых магістэрскіх і дактаранцкіх працаў, якія
закранаюць праблемы дзяржаўнай, прававой і культурнай спадчыны
Вялікага Княства Літоўскага ў XIX-XX стст., альбо працам, якія аналізуюць
праблемы гісторыі як мінімум двух краін колішняга Вялікага Княства
Літоўскага – Беларусі, Літвы, Польшчы і Украіны.

Інстытут Вялікага Княства Літоўскага заснаваў Прэмію імя Юліюша
Бардаха, якая будзе прызначана найлепшым магістэрскім і доктарскім
працам, звязаным з праблематыкай дзяржаўнай, прававой і культурнай
спадчыны Вялікага Княства Літоўскага ў XIX–XX стст., а таксама аналізам
праблем, звязаных з гісторыяй краін былых земляў Вялікага Княства
Літоўскага – Беларусі, Літвы, Польшчы, Украіны. Апошні тэрмін падачы
прац – 30 верасня 2013 г.

Завяршыўся прысвечаны 220 гадавіне Канстытуцыі 3 Мая “Рэспубліканскі
конкурс прац на тэму Вялікага Княства Літоўскага”. Арганізатары –
гімназія KTУ i Iнстытут ВКЛ – атрымалі працы з розных мясцовасцей, якія
размешчаны ў наступных рэгіёнах Літвы: Ковенскім, Росенскім, Мажэйскім,
Таўрагорскім, Тэльшанскім, Шавельскім, Кашадарскім. Дзякуем
удзельнікам і іх настаўнікам, якія не збаяліся рызыкі і настойліва паказалі
свій погляд на ўплыў спадчыны ВКЛ на сацыяльную, юрдычную і
геапалітычную сітуацыю сучаснай Літвы.