Інстытут Вялікага Княства Літоўскага

Даследаванні

Праект Інстытута ВКЛ «Спрэчныя тэрыторыі і памяць »

By

Восенню Інстытут ВКЛ далучыўся да праекта «Спрэчныя тэрыторыі і памяць», які рэалізуецца ў рамках праграмы «Гарызонт 2020». У праекце таксама ўдзельнічаюць Універсітэт Бата (Вялікабрытанія), Варшаўскі ўніверсітэт, Фонд Pogranicze (Польшча), Нацыянальная акадэмія навук (Арменія), Educational and Cultural Bridges (Арменія) і Forman Christian College (Пакістан).

Праект фінансуецца Еўрапейскім саюзам, завяршэнне праекта запланавана на студзень 2024 года.

Сайт праекта: https://www.disterrmem.eu/

7-9 снежня 2023 года Інстытут ВКЛ запрашае на семінары, якія адбудуцца ў рамках праекта «Спрэчныя тэрыторыі і памяць».

Асабліва запрашаем 9 снежня на семінар «Культурныя ініцыятывы грамадзянскай супольнасці ў кіраванні памяццю ў спрэчных раёнах», у якім, акрамя Лусіне Харацьян і Кшыштафа Чыжэўскага, удзельнічае адзін з заснавальнікаў Інстытута ВКЛ праф. Эгідыюс Аляксандравічус. Мадэратарам семінара будзе праф. Ніна Пэрыш з Універсітэта Стырлінга.

Падрабязней: https://www.disterrmem.eu/events/workshop-cultural-and-civil-society-initiatives-in-managing-memories-of-disputed-territories
Рэгістрацыя: https://www.eventbrite.co.uk/e/civil-society-initiatives-in-managing-memories-of-disputed-territories-tickets-472920306367
Поўная праграма семінараў: https://www.disterrmem.eu/upcoming-events

Першы і адзіны літоўскі сайт, прысвечаны гісторыі і сучаснасці Беларусі.

By

Улетку 2017 года завершана і прэзентавана інтэрнэт-старонка www.gudija.lt. Там публікуюцца фрагменты першай гісторыі Беларусі на літоўскай мове, якую зараз рыхтуе Русціс Камунтавічус. Кожны месяц таксама з’яўляюцца аналітычныя тэксты пра палітыку і культуру Беларусі, падрыхтаваныя беларускім палітолагам Андрэем Казакевічам і супрацоўнікам цэнтра Чэслава Мілаша універсітэта Вітаўта Вялікага Томашам Блашчакам.

Швейцарыя і ВКЛ: мастацтва і архітэктура

By

Улетку 2017 года завершана і прэзентавана інтэрнэт-старонка www.lugano.lt. Гэта самы вялікі літоўскі сайт, прысвечаны мастацтву і архітэктуры Вялікага княства Літоўскага, а таксама гістарычным сувязям Літвы і Швейцарыі.

Кніга, прысвечаная гісторыі сувязяў Літвы і Швейцарыі

By

У пачатку 2017 года апублікавана кніга «Літва і Швейцарыя: 15 000 гадоў адносін. Храналагічны агляд». Аўтар – Юдзіт Левоніг, у супрацоўніцтве з Русцісам Камунтавічусам. Гэта першая комплексная праца, якая прысвечана гісторыі сувязяў Літвы і Швейцарыі. Кніга была выдадзена на дзвюх мовах: літоўскай і нямецкай.

Пераклад III Статута ВКЛ на літоўскую мову

By

У снежні 2016 года Інстытут ВКЛ падпісаў пагадненне з юрыдычнай фірмай Glimsted і выдавецтвам Alma Littera датычна падтрымкі перакладу на літоўскую мову III Статута ВКЛ. Гэта адно з самых важных інтэлектуальных дасягненняў у гісторыі Літвы, статут уступіў у сілу ў 1588 годзе і быў адменены толькі ў 1842 годзе расійскімі акупацыйнымі ўладамі, ён ніколі не быў перакладзены на літоўскую мову. Чытаць далей: www.3statutas.lt.

Кніга, прысвечаная гістарычным сувязям Аўстрыі і Літвы

By

Увесну 2013 года выйшла кніга “Літва і Аўстрыя: гісторыя 2500-гадовых
стасункаў. Храналагічны агляд” (на літоўскай і нямецкай мовах)
аўстрыйскай аўтаркі Юдыт Левоніг. Выданне падрыхтавана ў супрацы з
Русцісам Камунтавічусам і Інстытутам ВКЛ. У гэтай кнізе ўпершыню
разглядаецца гісторыя культурных і палітычных сувязей паміж Літвой і
Аўстрыяй з найдаўнейшых часоў да сённяшніх дзён. Кнігу можна набыць за
35 літаў (+3 літы за перасылку па тэрыторыі Літвы) адправіўшы замову на
адрас [email protected], ці знайсці ў ковенскіх і віленскіх кнігарнях.